Kaniadtong Hulyo 14-15 unang gipahigayon ang pagdeklarar didto sa lungsod sa Labason ug Liloy ug pagka Hulyo 16-17 didto na usab nagpahigayon sa mga lungsod Kalawit, ug sa mga kabarangayan sa lungsod sa Gutalac ,Siocon ug Sirawai.

Ang maong okasyon gitambongan kini sa mga Barangay Chairman, Chief of Police sa matag lungsod, Mayors, Sangguniang Bayan Members, representante gikan sa DOH -IX, DILG-IX, PDEA-IX, AFP, Zamboanga del Norte Police Provincial Office nga gipangulohan ni PSSupt. Michael Macapagal ug ni Vice Governor Senen Angeles isip representante ni Governor Roberto Y. Uy , nga mao usab ang gipasidunggan dinapit ug mamumulong.

Sigun sa nasayran gikan sa PDEA Region IX, nga ang mga lungsod nga gideklarar isip Drug-Cleared Municipality sa 3rd District, mao ang mga lungsod sa Labason nga gilangkoban sa 18 ka mga barangay ug ang lungsod sa Kalawit nga adunay 12 ka mga barangay.

Samtang adunay 10 nga drug-cleared ug duha ang ‘drug free’ nga barangay gikan sa lungsod Sirawai , pito ang gikan sa Liloy, 16 ang drug cleared ug 4 ang drug free nga barangay gikan sa Gutalac ug 7 gikan sa lungsod sa Siocon, tanan gideklarar nga drug-cleared municipality ug Barangays sa mga Chief of Police gipanumpaan sa mga Municipal Mayor, Municipal Anti-Drug Abuse Councils (MADAC) miaging tuig ug kini gipasa ngadto sa Oversight Committee sa Barangay Drug Clearing Program, aron mupailawom sa Validations ug Assessments.

Gipahigayon kaniadtong Hulyo 14-17ang pormal nga ceremonial declarations sa 3rd district sa mga drug -cleared ug drug free nga mga barangay ug munisipyo, diin gidawat ni Labason Mayor Eddie Quimbo ug Kalawit Mayor Salvador Antojado ang Certification isip Drug Cleared Municipality nga gitunol mismo sa PDEA Region IX.

Ang nahisgutang declaration base kini sa mga resulta sa assessment ug validation nga gihimu nga gipahigayon sa Regional Oversight Committee on Barangay Drug Clearing Program nga gipangulohan sa Regional Director PDEA IX uban sa mga miyembro gikan sa Regional Offices sa PNP, DILG ug DOH .

Ang nahisgutan nga mga lungsod ug barangay ang misunod ug mipasar sa mga rekisitos sa PDEA ug sa Dangerous Drugs Board Regulation No.3 Series of 2017 otherwise knowns “Strengthening the Implementation of the Barangay Drug Clearing Program.

Nasayran usab nga aduna gi han-ay nga mga schedule alang usab sa pagpahigayon nga Ceremonial Declation sa 2nd ug 1st District.(PIC-ZSM)

Please follow and like us: